سلطان التارکین حضرت سخی سلطان سید محمد عبداللہ شاہ مدنی جیلانی رحمتہ اللہ علیہ سلسلہ سروری قادری کے چھبیسویں امام اور مشہور فقیر کامل سلطان العارفین حضرت سخی سلطان باھو رحمتہ اللہ علیہ کے خلیفہ اکبر ہیں ۔ آپ نے گمنامی میں زندگی بسر کی جس کے باعث عوام الناس حضرت سخی سلطان باھو کے بعد سلسلہ سروری قادری کے امام سے بے خبر رہے اور دربار کے سجادہ نشینوں کو ہی حصول فیض کا ذریعہ سمجھتے رہے۔

سلسلہ سروری قادری کے اکتیسویں شیخ کامل اور موجودہ امام سلطان العاشقین حضرت سخی سلطان محمد نجیب الرحمن مدظلہ الاقدس نے سلسلہ سروری قادری کی درست ترتیب کو واضح کرنے کے لیے اور عوام الناس کو مشائخ سروری قادری کی حیاتِ مطہرہ، خاص طور پر سلطان التارکین حضرت سخی سلطان سید محمد عبد اللہ شاہ مدنی جیلانی سے روشناس کروانے کا بیڑہ اٹھایا۔ زیر نظر کتاب سید محمد عبد الله شاہ مدنی جیلانی رحمتہ اللہ علیہ کی حیات طیبہ کے تمام پہلوؤں کا احاطہ کرنے والی واحد کتاب ہے جسے طالبان مولی کی رہنمائی اور معلومات کے لیے مکمل تحقیق کے ساتھ شائع کیا گیا ہے ۔ اس کتاب کے مطالعہ سے نہ صرف سید محمد عبد اللہ شاہ کی حیات کے مخفی گوشوں سے آگاہی ملے گی بلکہ ان کے مزار کے فیض یافتگان کو انہیں قریب سے جاننے کا موقع بھی ملے گا۔